ހަވައްޑޭ ތުއްތީދީ ކިލެގެފާނުންނަށް ފޮނުވި ރައިވަރު

މިއަދު ކަމަކާ ނުލާ

ވިއަތި ލޭ އެތެރޭގެ މާ

ނިއަތު އަބަދަ ގެހި ތުރާ

ތިޔަކަމާ ހައިރާނުގާ

ކިޔަމެ ފުން މާނައެއް ނުކޮށް

ފިޔަވައި ދީން ދޫނުކޮށް

 

 މިއީ ހަވައްޑޭ ތުއްތީދި ރަންނަބަނޑޭރި ކިލެގެފާނު އޭނާގެ ފަޅުރަށެއް ނެގީމައި އެކަމާ ހިތްހަމަ ނުޖެހިގެން ކިލެގެފާނަށް ފޮނުވި ރައިވަރެކެވެ. ކިލެގެފާނަށް ރައިވަރުގައި ބުނާ އެއްޗެއް ނޭނގުމުން ތުއްތީދީ ކައިރިއަށް މީހަކު ފޮނުވިއެވެ. ތުއްތީދީ ޖަވާބުގައި ދެންނެވީ މި ތިން ބަސް ރައިވަރެވެ.

–

އަކުރު ހަބަހުގެ ހަތަރުވަނަ
ފަކުރު ނެތި ޒާތަކަށް ލަވައި
ތަކުރާ ފާނދެ އެކުލަވައި

–

ތުއްދީތީ ފުރަތަމަ ފޮނުވި ރައިވަރުގައި ފޮރުވިފައި ވަނީ ނުބައި މާނައެކެވެ. އެ ރައިވަރުގައި ފޮރުވިފައިވާ “އައުގުރާނަ” ފަހުން ފޮނުވި ތިން ބަސް ރައިވަރު ކިޔާލުމުން އިނގޭނެއެވެ. ހަ ބަސް ރައިވަރުގެ ކޮންމެ ބަހެއްގެ ހަތަރުވަނަ އަކުރު ނަގަންވީއެވެ. އަދި ޒާތަކަށް އެކުލަވާން ވީއެވެ. އޭރުން ކިޔޭނީ “ކަލޭ އަމފުއ” އެވެ.